මහාචාර්ය නීලිකා මලවිගේ මහත්මිය සතු ආයතනයක් වන ලස්සන ෆ්ලෝරා ආයතනයට අධිකරණ අමාත්‍යංශයේ මල් කොන්ත්‍රාත්තුවක් දුන්නාද යැයි තොරතුරු ඉල්ලුම් පත්‍රයක් යොමු කර ඇත.
පාරිභෝගික අයිතිවාසිකම් සුරැකීමේ ජාතික ව්‍යාපාරයේ සභාපති රංජිත් විතානගේ මහතා දෙසැම්බර් 28 දින අදාල තොරතුරු ඉල්ලුම් පත්‍රය යොමු කර ඇත.
එම තොරතුරු ඉල්ලුම් පත්‍රය මගින් පහත කරුණු විමසා ඇත…
- අධිකරණ අමාත්‍යංශයේ මල් සැරසිලි සදහා වන කොන්ත්‍රාත්තුව ලබා දී ඇති සමාගම කුමක්ද?
- එම සමාගම සදහා අදාල කොන්ත්‍රාත්තුව ලබා දී ඇත්තේ කුමන පදනම යටතේද?
- එම කොන්ත්‍රාත්තුව ලබා දී ඇත්තේ ලස්සන ෆ්ලෝරා ආයතනයට බවත් එහි අයිතිකරු හෝ අයිතිකරුවන් හා සම්බන්ධ අයෙකු වන මහාචාර්යය නිලීකා මලවිගේ යන අය කොරෝනා වෛරසය වැළදී මියයන මුස්ලිම් ජාතිකයින් භූමිදානය සිදු කිරීම අහිතකර නොවන බවට ප්‍රකාශ කිරීම නිසා වන බවත් පැතිර යන ආරංචිය සත්‍යයක්ද ?
