පාකිස්තානයේ බලගතු ආයතනවලට එරෙහි අදහස් දක්වන සමාජ මාධ්ය ක්රියාකාරීන්ට, මාධ්යවේදීන් මෙන්ම වෙනත් ක්රියාකාරිකයන්ට පකිස්තාන හමුදාව දැඩි ලෙස අවවාද කර ඇති බව වාර්තා වේ.
පාකිස්ථාන හමුදාවට එරෙහි ට්විටර් සමාජ මාධ්ය හැෂ් ටැග් 69,000කට අධික සංඛ්යාවක් සහ ඒ හා සම්බන්ධ ට්වීට්ර් සටහන් 410,000කට අධික සංඛ්යාවක්සහ ඉම්රාන් ඛාන්ගේ විවේචකයන්ට එරෙහි ට්විටර් පණිවිඩ මිලියන 17ක් හදුනාගෙන ඇති බව සදහන් වේ.
මේ අතර පාකිස්තාන හමුදාව පසුගියදා දේශපාලඥයින්ට සහ මාධ්යවේදීන්ට අනතුරු ඇඟවූයේ රට තුළ පවතින දේශපාලන අර්බුදයට සන්නද්ධ හමුදාවන් ඈදා නොගන්නා ලෙසයි.
කෙසේවෙතත් පකිස්තාන හමුදාවේ දේශපාලන මැදිහත්වීම් සම්බන්ධයෙන් වන විවේචන අඛණ්ඩව සිදුවෙමින් පවතින බැවින් පාකිස්තාන හමුදාව දැඩි දුෂ්කර තත්වයකට මුහුණ දී ඇති බව ද පැවසේ.
පාකිස්ථාන හමුදාවේ ප්රකාශයෙන් දිනකට පසු, පාකිස්ථාන ඉලෙක්ට්රොනික මාධ්ය නියාමන අධිකාරිය පසුගියදා රටේ සන්නද්ධ හමුදාවන්ට සහ අධිකරණයට එරෙහි අන්තර්ගතයන් විකාශනය කිරීමට එරෙහිව රූපවාහිනී නාලිකාවලට ද අනතුරු ඇඟවීය.