මහර බන්ධනාගාරයේ ගැටුම සම්බන්ධයෙන් විවිධ ප්‍රකාශ සිදුකර තිබීම හේතුවෙන් අමාත්‍ය විමල් විරවංස සහ අමාත්‍ය ජයන්ත සමරවීර යන අයගෙන් ප්‍රකාශ ලබාගන්නා ලෙස වත්තල මහේස්ත්‍රාත්වරයා අපරාධ පරීක්ෂණ දෙපාර්තමේන්තුවට නියෝග කර ඇත.
ඒ මහර ඝාතන සම්බන්ධ නඩුව දෙසැම්බර් (30) දින අධිකරණය හමුවේ කැඳවු අවස්ථාවේ අගතියට පත් පාර්ශවයේ නීතීඥයින් අධිකරණයෙන් සිදු කල ඉල්ලීමකටය.
රැඳවියන් පෙත් වර්ගයක් පානය කිරීම හේතුවෙන් මෙලෙස හැසිරී තිබුණු බවත් ඔවුන් පානය කර තිබුනේ රිවස් නැමති පෙත්තක් බවත් විමල් වීරවංස අමාත්‍යවරයා ප්‍රකාශ කර තිබිණි.
ඒ අනුව අදාල පුද්ගලයන් දෙදෙනාගෙන් ප්‍රකාශ ලබාගෙන 2021 ජනවාරි 08 වනදා අධිකරණයට ඉදිරිපත්කරන ලෙස වැඩිදුරටත් මහේස්ත්‍රාත්වරයා අපරාධ පරීක්ෂණ දෙපාර්තමේන්තුවට නියෝග කර ඇත.
එම ගැටුමින් මිය ගිය තවත් රැඳවියන් සිව් දෙනකුගේ සිරුරු ආදාහනය කරන ලෙසත් වත්තල මහෙස්ත්‍රාත්වරයා නියෝග කර ඇත.
අදාල ගැටුමින් සිරකරුවන් 11 දෙනෙක් මරණයට පත්වූ අතර ඉන් 8 දෙනෙකුම මරණයට පත්වී ඇත්තේ වෙඩි වැදීම නිසා බව මරණ පරීක්ෂණයේදී තහවුරු විය.
අදාල නඩුවේ අගතියට පත් වූ පාර්ශවය වෙනුවෙන් නීතීඥ සේනක පෙරේරා, නීතිඥ නාමල් රාජපක්ෂ, නීතිඥ අචලා සෙනවිතරත්න ඇතුළු නීතිඥවරුන් 08 දෙනෙකුට පෙනී සෙටිමට හැකිවායක් ඇති බවත් එහිදී නියෝගයක් ලබා දී ඇත.
