පාර්ලිමේන්තු මාධ්‍යවේදීන්ගේ සංගමයේ සභාපති ස්වර්ණවාහිණී නාලිකාවේ ප්‍රගීත් පෙරේරා මහතාගේ සහ සිරස TV නාලිකාවේ පාර්ලිමේන්තු වාර්තාකරු කසුන් සමරවීර මහතාට ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරුන් කිහිපදෙනෙක් තර්ජනය කර තිබෙනවා.
ඒ ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රීවරුන් වන ඉන්දික අනුරුද්ධ හා W.D.වීරසිංහ යන අයයි.
මීට හේතුවී ඇත්තේ ආණ්ඩු පක්ෂයේ කමිටු රැස්වීමෙන් අනතුරුව ඉන් පිටතට පැමිණෙන මන්ත්‍රීවරුන් වීඩියෝ කළායැයි වන සිදුවීමක් සම්බන්ධවයි.
අදාළ පාර්ලිමේන්තු වාර්තාකරුවන්ගේ ජංගම දුරකතන දෙකද පැහැරගෙන ඇති බවට විපක්ෂ නායක සජිත් ප්‍රේමදාස මහතා කතානායකවරයාට දැනුම් දුන්නා.
මනූෂ නානායක්කාර මන්ත්‍රීවරයා පාර්ලිමේන්තුව හමුවේ කියා සිටියේ රටම ගිනිගත් සිදුවීමකින් අනතුරුවත් ආණ්ඩුපක්ෂයේ මන්ත්‍රීවරුන් මෙලෙස උද්දච්ච ලෙස කටයුතු කරන්නේ නම් තවදුරටත් නිවාස ගිනි ගැනීම වැළැක්විය නොහැකි බවයි.
ඊට අදාළ දර්ශන පහතින්,
