ලංකා IOC සමාගම විසින් ඉන්ධන මිල වැඩිකිරීමට තීරණය කර ඇති බවට පැතිර යන පුවත් සම්පූ‍ර්ණයෙන්ම අසත්‍ය බව එම සමාගම පවසනවා.
එමෙන්ම, සමාගම සතු සීමිත පෙට්‍රල් සංචිත අද සහ හෙට දිනවලදී පිරවුම්හල් වෙත නිකුත් කරන බවත්, තොග සීමා වීම නිසා එලෙස ඉන්ධන නිකුත් කරනු ලබන්නේ වාහන අංකය අදාළ ප්‍රදේශයන්හි ලියාපදිංචි වී තිබේ නම් පමණක් බවත් දැක්වෙන ෆේස්බුක් පණිවිඩය ද අසත්‍ය බවයි ඔවුන් පවසන්නේ. දිස්ත්‍රික්ක කිහිපයකට වෙන් කළ දුරකථන අංක ද එමගින් දක්වා ඇති අතර, අදාළ අංකවලට විස්තර ලබාදුන් පසු ඉන්ධන සංචිත පිරවුම්හල් වෙත පැමිණි විගස කෙටි පණිවුඩයක් මගින් දැනුම් දෙන බවත් අදාල ෆේස්බුක් සටහනේ දැක්වෙනවා.
කෙසේ නමුත්, මේ අතර, ලංකා ඛනිජ තෙල් නීතිගත සංස්ථාවේ ඉන්ධන මිල ඉහළ දැමීමේ සූදානමක් පිළිබඳව News19 වෙත තොරතුරු වාර්තා වනවා.
එම සංස්ථාවේ අභ්‍යන්තර ආරංචි මාර්ග සදහන් කළේ පවත්නා ආර්ථික අර්බුදය හේතුවෙන් මෙම තීරණය ක්‍රියාත්මක කිරීමට නියමිත බවයි.
