රජයේ ආයතන සහ අධ්‍යාපන ක්ෂේත්‍රයට අදාළව නව චක්‍රලේඛයක් නිකුත් කරන බව රාජ්‍ය පරිපාලන අමාත්‍යාංශය පවසනවා.
එම චක්‍රලේඛය එළඹෙන සඳුදා (20) සිට ක්‍රියාත්මක වන බවයි එහි සඳහන් වන්නේ.
ඒ අනුව ඉහළ සඳහන් ක්ෂේත්‍රයන්හි කාර්යමණ්ඩල සඳහා සති 2ක කාලයක් නිවසේ සිට රාජකාරී කිරීමට අවස්ථාව ලැබෙනවා.
නමුත්, මෙම ක්‍රියාමාර්ගය අත්‍යවශ්‍ය සේවා සඳහා අදාළ නොවන බවයි එම අමාත්‍යාංශය වැඩිදුරටත් නිවේදනය කරන්නේ.
රට තුල ඉන්ධන සැපයීම සීමා වීම තුළ පොදු ප්‍රවාහන සේවා ක්‍රියාත්මක වීම දුර්වල මට්ටමක පැවතීම සහ තම පෞද්ගලික ප්‍රවාහන මාධ්‍යයක් උපයෝගී කර ගනිමින් ප්‍රවාහන පහසුකම් සලසා ගැනීම දුෂ්කර වීම සැළකිල්ලට ගනිමින් මෙම තීරණයට එළඹ තිබෙනවා.
