ජුලි මස 05 වනදාත් 12 වනදාත් අතර කාලය තුළ ගෑස් මෙට්රික් ටොන් 7000ක් අඩංගු නෞකා දෙකක් මෙරටට පැමිණෙනු ඇති බව ලිට්රෝ ගෑස් සමාගමේ සභාපති මුදිත පීරිස් මහතා පවසනවා.
ඒ අනුව එම තොග ලැබුණු සැණින් ගෑස් බෙදාහැරීමේ කටයුතු ආරම්භ කරන බවයි ඒ මහතා සඳහන් කළේ.
ඉන් ඉදිරියටත් ගෑස් තොග ලැබෙන ආකාරය පැහැදිලි කළ ඒ මහතා,
“10 වනදා – 15 වනදා අතර ඕමානයේ සිට විශාල නෞකාවක් මාලදිවයින් මුහුද දක්වා එනවා. ඒක ටොන් 25000කට වැඩි ධාරිතාවක් සහිත නෞකාවක්. එහි සිට දිගින් දිගටම කුඩා නෞකාවලින් කෙරවලපිටියට ගෑස් ලබාදෙනවා ලංකාවේ ගෑස් අවශ්යතාවය සපුරන්න. ඇනවුම් කළ ටොන් ලක්ෂයක් දක්වා ඒ ආකාරයට ලබාදෙනවා”