ජගත් මනුවර්ණ,ජෙහාන් අප්පුහාමි,ධම්මික මුණසිංහ,එරංග ගුනසේකර යන අයට ඇප හිමිව ඇති අතර ලහිරු වීරසේකර, රත්කරව්වේ ජිනරතන සහ රතිඳු සේනාරත්න ( රැට්ටා) තවදුරටත් රක්ෂිත බන්ධනාගාරගත කිරීමට අධිකරණය අද (24) නියෝග කර තිබෙනවා.
පෙරේදා පස්වරුවේ මරදාන පොලීසියට භාරවීමෙන් අනතුරුව අත්අඩංගුවට ගත් අදාල අරගලකරුවන් 07 දෙනා කොටුව මහේස්ත්‍රාත්වරයා වෙත ඉදිරිපත් කිරීමෙන් අනතුරුව ජූලි මස 01 වනදා දක්වා රක්ෂිත බන්ධනාගාර ගත කිරීමට අධිකරණය එදින නියෝග කළා.
ඒ අතුරුන් සිව් දෙනෙක්ට ඇප ලබා දීමටයි අද අධිකරණය තීරණය කර තිබුනේ.
පසුගිය ජුනි 9 වනදා සහ 10 වනදා කොටුව සහ තලංගම ප්‍රදේශයේදී පැවැත්වූ විරෝධතා අතරතුර ඇතිවූ සිද්ධි සම්බන්ධයෙන් මෙම පුද්ගලයන් අත්අඩංගුවට ගැණුණා.
