ඇෆ්ගනිස්ථානයේ හිටපු ආරක්ෂක නිලධාරීන් භාවිත කළ සහ ඇමරිකානු හමුදා විසින් අත්හැර ගිය අවි ආයුධ වර්තමාන තලිබාන් ආරක්ෂක නිලධාරීන් විසින් පාකිස්තානයට අලෙවි කරන ජාවාරමක් ක්‍රියාත්මක බව වාර්තා වේ.
ඇෆ්ගන්- පාකිස්තාන දේශ සීමා වෙත රැගෙන එන අවි ආයුධ පළතුරු පිරවූ ලොරි රථ තුළ සඟවා දේශ සීමාව පසුකර පාකිස්තානයට තුළට රැගෙන එන බව සදහන් වේ.
කාබුල්හි පාලනය අත්පත් කරගැනීමෙන් අනතුරුව එරට දේශපාලන බලය තහවුරු කරගැනීමට අතිරේකව අවි ආයුධ ලබාගැනීමට වැඩි උත්සාහයක් පැවතුණ බව ද පැවසේ.
එම අවි ආයුධ එරට විවෘත වෙළෙඳපොළ තුළ අලෙවියට යොමුකර ඇති බව ද සදහන් වේ.
ෙමේ අතර දකුණු දිග කන්දහාර් පළාතේ සඟවා තිබී අවි ආයුධ හා උණ්ඩ තොගයක් තලිබාන් ආරක්ෂ විසින් සොයාගෙන තිබිණි.
ඒවා විනාශ කර දැමීමට සූදානම්කර තිබුණද ගිනි නිවන අංශ විසින් මෙම ආයුධ තොගය තමන් යටතට ගෙන තිබූ බවට විශ්වාස කෙරේ.
ඒ අතර ඒ.කේ. 47 වර්ගයේ තුවක්කු, පිස්තෝල, ඒවාට භාවිත කරන උණ්ඩ මෙන්ම භූගතව සඟවා තිබූ ගුවන් යානා නාශක අවි තොගයක්ද තිබී ඇත.
ඇෆ්ගන් ජ්‍යෙෂ්ඨ පොලිස් නිලධාරියකු වන මල්ලා අබ්දූල් චානි හක්බින් උපුටා දක්වමින් විදෙස් වාර්තා සඳහන් කර ඇත්තේ නීති විරෝධී ලෙස අවි ආයුධ රඳවාගෙන සිටි පුද්ගලයන් තිදෙනකු ද පසුගිය ඉරිදා ආරක්ෂක අංශ විසින් අත්අඩංගුවට ගත් බවයි.
මෙවැනි තත්ත්වයක් උද්ගතව ඇත්තේ රට තුළ නීතියේ පාලනය තහවුරු කිරීම උදෙසා තලිබාන් පරිපාලනය විසින් පුද්ගලයන් සතුව පවතින අවි ආයුධ එක්කාසු කිරීමට කිසිදු උත්සාහයක් නොගැනීම හේතුවෙන් යැයි එරට ජ්‍යෙෂ්ඨ පොලිස් නිලධාරියකු ප්‍රකාශ කර තිබිණි.
