අරලියගහ මන්දිරය ඉදිරිපිට ස්ථාපනය කර තිබූ නෝඩීල් ගම එම ස්ථානයෙන් ඉවත් කර ගැනීමට එහි සිටි අරගලකරුවන් තීරණය කර තිබෙනවා.
මේ අතර, නෝ ඩීල් ගම නිර්පාක්ෂික අරගලකරුවන් විසින් එක්සත් ජාතීන්ගේ සංවිධානයට ලිපියක් භාරදී තිබෙනවා.
තම ජීවිතවලට ඉදිරියේදී ඇති විය හැකි තර්ජනයන් පිළිබඳ මැදිහත් වන ලෙසට දන්වමින් මෙම ලිපිය භාරදුන් බවයි විරෝධතාකරුවන් පවසන්නේ. පසුගිය දිනවල අරලියගහ මැදුර ඉදිරිපිට දින 6ක් තම විරෝධතාකරුවන් මාරාන්තික උපවාසයක නිරත වුව ද කිසිදු දේශපාලනඥයෙකු ඒ සම්බන්ධයෙන් මැදිහත් නොවූ බව ඔවුන් පෙන්වා දෙනවා.
ජනතාවගේ වේදනාව සම්බන්ධයෙන් වත්මන් පාලකයන්ට දැනුමක් නොමැති බවටයි විරෝධතාකරුවන් චෝදනා කර සිටින්නේ.
දින 100 කට අධික කාලයක් අරගලයේ යෙදුනු අරගලකරුවන්ගේ ජීවිතවලට අනාගතයේදි හානි විය හැකි බැවින් ඒ පිළිබද මැදහත්වන ලෙස මෙම ලිපිය මගින් ඉල්ලා තිබෙනවා. මෙම ලිපිය භාර දීමේ අවස්ථාවට භික්ෂුන් වහන්සේලා කිහිප නමක් හා නෝ ඩීල්ගම අරගලකරුවන් නියෝජනය කරමින් නියෝජිත පිරිසක් එක්ව සිටියා.