ඉල්ලා අස්වන බව කී දකුණු පළාත් ආණ්ඩුකාරවර ආචාර්ය විලිගමගේ තවදුරටත් දකුණු පළාත් ආණ්ඩුකාරධුරයේ කටයුතු කිරිමට තින්දුකොට ඇති බව දකුණු පළාත් ආණ්ඩුකාර කාර්යාලය පවසනවා.
නව ජනාධිපතිවරයකු පත්විමත් සමග තමන් දකුණු පළාත් ආණ්ඩුකාරධුරයෙන් ඉල්ලා අස්විමට කටයුතු කරන බවයි ආණ්ඩුකාරවරයා මිට පෙර ප්‍රකාශකර තිබුණේ.
නව ජනාධිපතිවරයා සමග කටයුතු කිරිමට කිසිදු ගැටළුවක් නොමැති නිසා ආණ්ඩුකාරධුරයෙන් ඉල්ලාඅස්විමට ගත් තිරණය වෙනස් කිරිමට ආණ්ඩුකාරවරයා විසින් තින්දුකොට ඇති බවයි පැවසෙන්නේ.
මේ පිළිබද වැඩිදුරටත් අදහස් දැක්වූ දකුණු පළාත් ආණ්ඩුකාරවර ආචාර්ය විලිගමගේ,
“රනිල් වික්‍රමසිංහ ජනාධිපතිතුමා ජනාධිපතිධුරයට පත්වුයේ ශ්‍රිලංකා පොදුජනපෙරමුණේ සහයෝගයද ඇතිව. මේ නිසා දේශපාලන වශයෙන් රටේ ඇතිවෙලා තියෙන වෙනස්කම ආණ්ඩුකාරවරුන්ට අහිතකර විදියට බලපාන්නේ නැති නිසා ස්වෙච්ඡාවෙන් ආණ්ඩුකාරධුරයෙන් ඉවත්විමට ගත් තිරණය මා වෙනස්කරගත්තා.
විශේෂයෙන් කථානායකතුමා, දකුණු පළාතේ මැති ඇමතිවරු, විපක්ෂයේ දේශපාලනඥයින්, පළාත් පාලන ආයතනවල ප්‍රධානින්, හිටපු පළාත්සභා මන්ත්‍රිවරු සහ , ශ්‍රිලංකා පොදුජනපෙරමුණ මගෙන් ඉල්ලිමක් කළා ආණ්ඩුකාරධුරයෙන් ඉල්ලාඅස්වෙන්න එපා කියලා. දැනට ආණ්ඩුකාරධුරයෙන් ඉවත්විමේ අවශ්‍යතාවයක් නැහැ.
එමෙන්ම මාධ්‍යමගින් වාර්තාකොට තිබුනා දැනට හිස්ව ඇති පොදුජනපෙරමුණේ මන්ත්‍රිධුරය ලබාගැනිමට මමත් තරග කරනවා කියලා. ඒ පිළිබද මගේ කිසිදු අදහසක් නැහැ. තවදුරටත් දකුණු පළාත් ආණ්ඩුකාරධුරයේ කටයුතු කරණවා.“
