ලබන මාසයේ මොස්කව්හි පැවැත්වෙන ආරක්ෂක ක්‍රීඩා උළෙල සඳහා සහභාගී කරවීමට චීන මහජන විමුක්ති හමුදාව විසින් රුසියාවට දූත පිරිසක් සමග උපකරණ යවා ඇති බව වාර්තා වේ.
රුසියාව යුක්රේනය ආක්‍රමණය කිරීමෙන් පසු මෙම ආරක්ෂක ක්‍රීඩා උළෙල පැවැත්වෙන පළමු අවස්ථාව මෙයයි.
පුද්ගලයින්, හමුදා ටැංකි සහ වාහන රැගත් දුම්රියක් මෑතකදී චීනයේ උතුරේ අභ්‍යන්තර මොංගෝලියාවේ මන්ෂෝලි නගරයෙන් පිටත්ව රුසියාවේ ඈත පෙරදිග සබයික්ලාෂ් වෙත ගමන් කළ බව චීන රාජ්‍ය මාධ්‍ය නාලිකාවක් සදහන් කර තිබිණ.
රුසියාවේ විශාලතම බහුජාතික ආරක්ෂක ක්‍රීඩා උළෙල වන මෙහිදී චීන කණ්ඩායම රටවල් 37ක සහ කලාපවල සගයන් සමඟ එක්ව කටයුතු කිරීමට අපේක්ෂා කරන බව පැවසේ.
තවත් රටවල් රැසක් ඊට එක්වන අතර චීනය 2015 සිට මෙහි නිත්‍ය සහභාගිවන්නෙකු වන අතර පාබල සටන් වාහන ඇතුළුව තරඟ තුනකට සත්කාරකත්වය සපයනු ලබයි.
