චීනයේ ශුන්ය කොවිඩ් ප්රතිපත්තියේ දැඩි ක්රියාමාර්ග හේතුවෙන්,වෛරසයේ මුල් කේන්ද්රස්ථානය වන වුහාන් මෑතකදී නව රෝගීන් හතරක් වාර්තා වීමත් සමඟ නැවත වසා දමා තිබේ.
එපමණක් නොව, ලොව ප්රථම වරට වෛරසය පැතිරීම පිළිබඳ මූලික විමර්ශනය අධීක්ෂණය කිරීමෙන් පසු රෝග පාලනය සහ වැළැක්වීමේ චීන මධ්යස්ථානයේ ප්රධානී ජෝර්ජ් ගාඕස් වසර පහකට පසු එම තනතුරෙන් ඉවත් වී ඇත.
වුහාන් හි ජියන්ශියා දිස්ත්රික්කය මුලදී දින තුනකට වසා දැමුවේ, නැවුම් සිද්ධීන් දිගටම වාර්තා වුවහොත් එය දිගු කිරීමේ අනතුරු ඇගවීමක් ද සමගය.
කෙසේවෙතත් සියල්ල වසා දැමීම නිසා මිලියනයකට ආසන්න ජනතාවක් තම නිවෙස්වලට සීමා වී ඇති බව පැවසේ..
කාර්යාල, විනෝදාස්වාද ස්ථාන, සායන, කෘෂිකාර්මික නිෂ්පාදන වෙලඳපොලවල්, අවන්හල්, සහ සියලුම පූජනීය ස්ථානවල වසා දමා ඇති අතර සංචාරකයින්ගේ ගමනාගමනය ද නතර වී තිබේ.
බස් රථවල සිට උමං මාර්ග සේවා දක්වා සියලුම පොදු ප්රවාහනය අත්හිටුවා ඇති අතර, අත්යවශ්ය නම් මිස දිස්ත්රික්කයෙන් පිටව නොයන ලෙස ජනතාවට දැනුම් දී ඇත.