තායිවානයට ආසන්න මුහුදු සීමාවේ තවත් යුද අභයාසයක් සිදු කරන බව චීනය පවසයි.
ඒ අමෙරිකාව ප්‍රමුඛ පාර්ශව රැසක විරෝධය මධ්‍යයේ සිදුකළ මතභේදාත්මක යුද අභයාසයෙන් අනතුරුව වේ.
චීනය මීට පෙර පැවසූ පරිදි අදාල යුධ අභයාසය අද උදෑසන අවසන් වූ බව විදෙස් මාධ්‍ය වාර්තා කරයි.
කෙසේවෙතත් එරට හමුදා පවසන්නේ තායිවානයට ආසන්න සාගර කලාපය තුළ තවත් යුද අභයාසයක් ආරම්භ කරන බවයි.
එය ඒකාබද්ධ යුද අභයාසයක් බවත්, ඊට සමගාමීව සබ්මැරීන ප්‍රතිරෝධක මෙහෙයුම් ක්‍රියාත්මක කරන බවත් චීන හමුදාව පවසා ඇතැයි විදෙස් මාධ්‍ය වාර්තා කරයි.
මෙම යුද අභයාසය සදහා ද චීනය සජීව පතරොම් භාවිත කරනු ඇතැයි වාර්තා වෙයි.
කෙසේවෙතත් වෙතත් ජාතයන්තර විචාරකයන් පවසන්නේ චීනය තවත් යුද අභයාසයක් ආරම්භ කරන්නේ අමෙරිකාව කුපිත කිරීමේ අදහසින් විය හැකි බවයි.
චීනයේ මෙම හිතුවක්කාරී ක්‍රියාකලාපය නවතා ඔවුන්ව තායිවාන සමුදා සන්ධියෙන් ඉවත් කිරීමට අමෙරිකාව කුමන හෝ පියවරක් නොගතහොත් කලාපයේ කිසිදු පාර්ශ්වයක් තවදුරටත් අමෙරිකාව පිලිබද විශ්වාසය නොතබනු ඇති බව වියට්නාමයේ කලාපීය යුද විශ්ලේෂකයෙකු පවසා ඇත.
චීනයේ මෙම මතභේදාත්මක යුද අභයාසවලට මූලාරම්භය වූයේ අමෙරිකානු කතානායිකා නැන්සි පෙලෝසිගේ තායිවාන සංචාරයයි.
