වේගයෙන් වර්ධනය වන එක්සත් ජනපද-චීන ආතතීන් හමුවේ ඇතිවිය හැකි අවිනිශ්චිතතා නිසා චීනය අග්නිදිග ආසියානු අසල්වැසියන් සමඟ සහයෝගීතාව සහතික කිරීම් හුවමාරු කර ගැනීමට උත්සහ දරමින් ඇති බව වාර්තා වේ.
ඒ අනුව, මේ මස මුලදී චීන විදේශ අමාත්‍ය වැන්ග් යීගේ අග්නිදිග ආසියාවේ දින 10 ක සංචාරයත්, ඉන්දුනීසියානු ජනාධිපති ජෝකෝ විඩෝඩෝගේ මෑතකාලීන චීන සංචාරයත්, ඒ සම්බන්ධයෙන් කැපී පෙනෙන වර්ධනයන් බව විදෙස් මාධ්‍ය වාර්තාවල දැක්වේ.
තම සංචාරයේදී දෙපාර්ශ්වය අතර තිරසාර සහ සාමකාමී සබඳතාවල වැදගත්කම වැන්ග් යී අවධාරණය කර තිබේ.
ඔහු චීනය කලාපයේ රටවල මිතුරෙකු ලෙස හැඳින්වූ අතර දකුණු චීන මුහුද ඇතුළු ආරවුල් විසඳීමට ආසියානු ක්‍රමය සහ ආසියාන් ක්‍රමය යොදා ගත යුතු බව සදහන් කර තිබිණ.
චීනය සහ අග්නිදිග ආසියාව අතර සබඳතා බහුවිධ වන අතර චීනය ආසියාන් රටවල් ද්විපාර්ශ්වික, උප කලාපීය සහ බහුපාර්ශ්වික මට්ටමින් සම්බන්ධ වී කටයුතු කරනු ලබයි.
