තලෙයිබාන් පාලනය යටතේ ඇෆ්ගනිස්තානය තුළ මාධ්ය නිදහසට තර්ජන එල්ල වී තිබෙනවා.
මාධ්යවේදීන් සහ මාධ්යවේදිනියන් ගිනිඅවි පෙන්වා බිය ගන්වා ඔවුන් පැහැරගෙන ගොස් පහරදී වධහිංසා පැමිණවීම් හා රදවා ගැනීමේ සිද්ධීන් රැසක් සම්බන්ධයෙනුයි තලෙයිබාන් සංවිධානයට චෝදනා එල්ල වී ඇත්තේ.
එමෙන්ම තලෙයිබාන් සංවිධානයේ තුවක්කුකරුවන් විසින් මාධ්යවේදිනියන්ට පහර දී ඔවුන් බියගන්වා වෙනත් රැකියාවලට බදවා ගැනීමට උත්සහ කිරීමේ සිද්ධීන් ද ඇෆ්ගනිස්තානයෙන් වාර්තා වනවා.
ඉකුත් වසරේ අගෝස්තු මාසයේදී තලෙයිබාන් සංවිධානය විසින් ඇෆ්ගනිස්තානයේ පාලන බලය අල්ලා ගැනීමෙන් අනතුරුව එරට තුළ භාෂණයේ නිදහස බරපතල ලෙස උල්ලංඝනය වී තිබෙනවා.
ඉකුත් වසරේ අගෝස්තු මාසයේ සිට මේ දක්වා ඇෆ්ගනිස්තානයේ මාධ්ය ක්ෂේත්රයේ නිරත වූ පුද්ගලයින්ගෙන් සියයට 45 ක් පමණ සිය රැකියා හැර ගොස් ඇති බවයි විදෙස් මාධ්ය පවසන්නේ.