සිය දිවියේ ඉදිරි වසර 25 ක කාලය ජාතියේ සංවර්ධනය වෙනුවෙන් කැප කරන්නැයි ඉන්දීය අග්‍රාමාත්‍ය නරේන්ද්‍ර මෝදි එරට තරුණ ප්‍රජාවගෙන් ඉල්ලීමක් කළා.
ඒ අදට යෙදී තිබෙන ඉන්දියාවේ නිදහස් දින සැමරුමට සමගාමීව නවදිල්ලියේ රතු බලකොටුවේ සිට ජාතිය අමතමින්.
රට වෙනුවෙන් පමණක් නොව සමස්ථ මනුෂ්‍ය වර්ගයාගේ දියුණුව වෙනුවෙන් කටයුතු කළ යුතු බවත්, එය ඉන්දියාවේ ශක්තිය බවත් අග්‍රාමාත්‍ය මෝදි අවධාරණය කළා.
ඉන්දියාව යනු අසීරු අවස්ථාවලදී පවා එකට එක්ව නැගී සිටි ජාතියක් බවත් කොරෝනා වසංගතය ඊට කදිම උදාහරණය බව ද අග්‍රාමාත්‍ය නරේන්ද්‍ර මෝදි පෙන්වා දුන්නා.
ලෝකය ඉන්දියාව දෙස බලන්නේ සිය බලාපොරොත්තු මල්ඵල ගැනවෙන ගමනාන්තයක් ලෙස බවද අග්‍රාමාත්‍යවරයා පැවසුවා.
නොසැලෙන අධිෂ්ඨානය හමුවේ ඉන්දියාව මේවනවිට වත්මන් ලෝකයේ බලාපොරොත්තුව සහ ගැටලු සදහා විසදුම් ගෙන එන්නා බව ද ඉන්දීය අග්‍රාමාත්‍ය නරේන්ද්‍ර මෝදි අවධාරණය කර තිබේ.
