පේරාදෙණිය හා මහකුඹුක්කඩවල ප්රදේශවලදී පුද්ගලයින් දෙදෙනෙකු ඝාතනය කර තිබෙනවා.
පේරාදෙණිය, පිලපිටිය ප්රදේශයේදී බහින්බස්වීමක් දුරදිග යාමෙන් තියුණු ආයුධයකින් පහරදී 47 හැවිරිදි පුද්ගලයෙකු ඝාතනය කර ඇති බව පොලීසිය සදහන් කරනවා.
එමෙන්ම පහරදීමේ සිදුවීමෙන් තවත් පුද්ගලයින් දෙදෙනෙකු තුවාල ලබා ඇති බවද පොලීසිය පවසනවා.
කෙසේවෙතත් පොලීසිය සදහන් කරන්නේ සැකකරු ප්රදේශයෙන් පලාගොස් ඇති බවත් ඔහු අත්අඩංගුවට ගැනීම සදහා මේ වන විටත් විමර්ශන ක්රියාත්මක බවත්ය.
මේ අතර මහකුඹුක්කඩවල ප්රදේශයේදී පොල්ලකින් පහරදී 56 හැවිරිදි පුද්ගලයෙකුද ඝාතනය කර තිබෙනවා.
පොලීසිය පැවසුවේ, මත්පැන් සාදයකදී බහින්බස්වීමක් දුරදිග යාමෙන් මෙම ඝාතනය සිදුව ඇති බවයි.
සිද්ධියට සම්බන්ධ සැකකරුවන් අත්අඩංගුවට ගැනීම සඳහා විමර්ශන ක්රියාත්මක බව පොලිසිය සඳහන් කරන්නේ.