ඇෆ්ගනිස්තානය තුළ මානව හිමිකම් ආරක්ෂා කිරීම සඳහා ලෝක ප්රජාව මැදිහත් විය යුතු බව එක්සත් ජාතීන්ගේ සංවිධානයේ විශේෂඥයින් පවසයි.
පවතින තත්ත්වය අනුව ඇෆ්ගනිස්තානයේ වෙසෙන කාන්තාවන්ගේ සහ ගැහැණු ළමුන්ගේ අනාගතය අඳුරට පත්වෙමින් ඇති බව ද ඔවුන් පෙන්වා දෙයි.
රට තුළ මූලික මානව හිමිකම් මූලධර්ම ආරක්ෂා කිරීමට හෝ කටයුතු කරන ලෙසට තලෙයිබාන් සංවිධානයට බලකරන ලෙස ද එක්සත් ජාතීන්ගේ සංවිධානයේ විශේෂඥයින් ලෝක ප්රජාවගෙන් ඉල්ලා සිටී.
අත්තනෝමතික ලෙස පුද්ගලයින් සිරකර රඳවා ගැනීම්, මරණ දඬුවම ක්රියාත්මක කිරීම, අවතැන්වීම්, නීතිවිරෝධී සීමා කිරීම්, අතුරුදන්වීම්, වධහිංසා පැමිණවීම් හා කාන්තාවන්ට හා ගැහැණු දරුවන්ට එල්ල කරන බලපෑම් තලෙයිබාන් සංවිධානය විසින් ඇෆ්ගනිස්තාය තුළ අණ්ඩව ක්රියාත්මක කරමින් සිටින බව ද ඔවුන් පෙන්වා දෙයි.
තලෙයිබාන් සංවිධානය ඇෆ්ගනිස්තානය තුළ බලය අල්ලා ගැනීමට පෙර මාධ්ය නිදහස හා කාන්තාවන්ගේ අධ්යාපන අයිතිය ආරක්ෂා වූවා මෙන්ම සාමාන්ය ජන ජිවිතය ද බාධාවකින් තොරව පැවැති බව ද එක්සත් ජාතීන්ගේ සංවිධානයේ විශේෂඥයින් පවසයි.
ඒ අනුව භාෂණයේ නිදහස් ආරක්ෂා කිරීමටත්, ගැහැණු දරුවන්ගේ අධ්යාපන අයිතිය ලබාදීමටත්, ජාත්යන්තර මානව හිමිකම් සහ මානුෂීය නීති පද්ධතියක් යටතේ බැඳී කටයුතු කරන ලෙසටත් එක්සත් ජාතීන්ගේ සංවිධානයේ විශේෂඥයින් තලෙයිබාන් සංවිධානයෙන් ඉල්ලීමක් කර තිබේ.