රට තුල ක්‍රියාත්මක වන්නේ අමුතුම මාදිලියේ කපුටු කුමන්ත්‍රණයක් බව විපක්ෂ නායක සජිත් ප්‍රේමදාස මහතා පවසනවා.
ඒ, ඊයේ (21) පැවති ජනහමුවක් අමතමින්.
ඇමති වරුන් පත් කර ගැනීම සඳහා ‘කපුටු පොහොට්ටුව’ විසින් ජනාධිපතිවරයා වෙත නම් ලැයිස්තුවක් යවා ඇති බවත් ඒ රට තවත් බංකොලොත් කිරීමට මිස රට ගොඩ නැගීම සඳහා නොවන බවත් ඔහු පෙන්වා දෙනවා.
හිටපු ජනාධිපති ගෝඨාභය රාජපක්ෂට පුරවැසියෙකු ලෙස යළි මෙරටට පැමිණීමට අයිතියක් ඇති නමුත් එය හරහා ද පොදුජන පෙරමුණේ යම් කුමන්ත්‍රණයක් ක්‍රියාත්මක බවයි ඔහු පවසන්නේ.
“ගෝඨා ගෝ හෝම් කිව්වා. දැන් ඔන්න පටන් අරන් තියෙනවා අලුත් වැඩසටහනක් ගෝඨා කම් හෝම්. ආපහු ගෙදර එන්න කියලා. ආපහු ආවට කමක් නෑ. ඒක ඔහුගේ අයිතියක් මේ රටේ පුරවැසියෙක් හැටියට. නමුත් හොඳට මතක තියාගන්න මේ ක්‍රියාත්මක වෙන්නේ අමුතුම මාදිලියේ කපුටු කුමන්ත්‍රණයක්. කපුටු පොහොට්ටුව නම් ලැයිස්තුවක් ඇරලා ලු ඇමතිවරු පත්කර ගන්න. මොනවාටද, රට ගොඩනගන්න නෙමේ බංකොළොත් වෙච්ච අපේ රටේ බංකොළොත්බව තවත් වැඩි කරන්න.”
