අරලියගහ මන්දිරයට සහ ජනාධිපති කාර්යාලයට ඇතුළු වී දේපළ සොරකම් කිරිම ඇතුළු අමාත්යවරුන්ගේ නිවාසවලට ගිනිතැබීමේ සිද්ධීන් සම්බන්ධයෙන් හිමිනමක් ඇතුළු 08 දෙනෙකු අත්අඩංගුවට ගෙන තිබෙනවා.
පසුගිය මස 09 වනදා ජනාධිපති ලේකම් කාර්යාලයට ඇතුළු වී දේපළ හානි සිදුකිරීමේ සිද්ධීන්ට අදාළව අවශ්ය සිටි හිමිනමක් ඇතුළු තිදෙනෙකු කොළඹ වරාය නගර වැඩබිමේ දි මෙන්ම පොතුහැර සහ නුගේගොඩ යන ප්රදේශ අත්අඩංගුවට ගෙන ඇති බවයි පොලීසිය පවසන්නේ.
අත්අඩංගුවට ගත් කොළඹ වරාය නගර වැඩබිමේ 26 හැවිරිදි සේවකයා ඕපනායක ප්රදේශයේ පදිංචිකරුවෙකු වන අතර 24 හැවිරිදි හිමිනම පොතුහැර ප්රදේශයේ විහාරස්ථානයක වැඩසිටිනවා. සැකකාර 53 හැවිරිදි කාන්තාව නුගේගොඩ කොට්ඨාස අපරාධ විමර්ශන අංශය විසින් ගොතටුව ප්රදේශයේ දී අත්අඩංගුවට ගෙන ඇති බව සඳහන්.
එමෙන්ම, අරලියගහ මන්දිරයට ඇතුළු වී දේපළ සොරකම් කිරීමකට අදාළව 60 හැවිරිදි පුද්ගලයෙකු වැලිකඩ බණ්ඩාරනායකපුර ප්රදේශයේ දී අත්අඩංගුවට ගෙන තිබෙනවා.
සැකකරු සතුව තිබි අරලියගහ මන්දිරයෙන් සොරකම් කරන ලද පිත්තල සැරසිලි කැබලි 07ක් සහ විශාල ප්රමාණයේ ගමන් බෑගයක් සොයාගෙන ඇති බවයි පොලීසිය පවසන්නේ.