චීනය ප්රකෝපයට පත් කළ අමෙරිකානු කථානායිකා නැන්සි පෙලෝසිගේ තායිවාන සංචාරය නිමවී දින 12ක් ගතවෙද්දී තවත් ඉහළ පෙලේ අමෙරිකානු දුත පිරිසක් අද නැවතත් තායිවානයට පැමිණ ඇති බව වාර්තා වෙයි.
අමෙරිකාවේ සෙන්ට් මණ්ඩලයේ සාමාජිකයින් 05 දෙනෙකු මෙලෙස තායිවානයේ සංචාරයක් සඳහා පැමිණ තිබුනේ අමෙරිකානු ගුවන් හමුදාවට අයත් ගුවන් යානයකින්.
මෙම සංචාරයේදී අමෙරිකානු සෙන්ට් මණ්ඩලයේ සාමාජිකයින් තායිවානයේ ඉහළ පෙලේ බලධාරීන් පිරිසක් සමග සාකච්ජා කිරීමට නියමිතව ඇති බව සඳහන් වෙයි.
එහිදී දෙරට අතර ද්විපාර්ශ්විය සම්බන්ධතාවයන් වර්ධනය කර ගැනීම, කලාපිය ආරක්ෂාව, වෙළෙද සහ ආයෝජන ඇතුළු කේෂ්ත්ර රැසක් ගැන අවධානය යොමු කෙරෙනු ඇත.
අමෙරිකානු කථානායිකාව තායිවානයේ සංචාරය කිරීමෙන් පසුව චීනය විසින් දින 10කට අධික කාලයක් තායිවානය ආසන්න මුහුදු සිමාවේ යුද අභ්යාසයක නිරත වූ අතර එය අවසන් කෙරුණේ ඉකුත් සතියේදීය.