පකිස්තානයේ හිටපු අග්‍රාමාත්‍ය ඉම්රාන් ඛාන් නායකත්වය දරණ පකිස්තාන් තරීක් ඊ ඉන්සාෆ් පක්ෂයේ ප්‍රධානියෙකු වන නාගීස් බාලෝක් වෙඩි තබා ඝාතනය කර තිබේ.
ඒ පකිස්තානයේ ක්වෙටා නුවර බලෝකිස්තාන විශ්ව විද්‍යාලය ආසන්නයේදීයි.
විදෙස් මාධ්‍ය පැවසුවේ යතුරු පැදියකින් පැමිණි නාඳුනන තුවක්කුකරුවන් දෙදෙනෙකු විසින් වෙඩි තැබීම සිදුකර ඇති බවයි.
නාගීස් බාලෝක්ගේ දරුවන් දෙදෙනා ද මෙම වසර මුලදී වෙඩි තබා ඝාතනය කර ඇත.
පී ටී අයි පක්ෂයේ දේශපාලනඥයින් ඉලක්ක කර මෙවැනි ප්‍රහාර එල්ල වූ පළමු අවස්ථාව මෙය නොවන බව ද විදෙස් මාධ්‍ය පෙන්වා දෙයි.
පී ටී ඊ පක්ෂයේ ප්‍රාදේශිය නායකයෙකු ඉලක්ක කර තුවක්කුකරුවන් පිරිසක් ඉකුත් දා එල්ල කළ ප්‍රහාරයකින් ඔහු තුවාල ලබා දිවිගලවා ගත් නමුත් ආරක්ෂක නිලධාරියෙකු මියගියා.
දේශපාලන හා ආර්ථික අර්බුද මධ්‍යයේ පකිස්තානය තුළ නීතිය හා සාමය දැඩි ලෙස පිරිහෙමින් ඇති බව විදෙස් මාධ්‍ය පවසයි.
එවන් පසුබිමක් අපරාධ කල්ලි විසින් රටතුළ සිදුකරන අපරාධ ද ඉහළ ගොස් ඇත.
ඒ හමුවේ පකිස්තානය අභ්‍යන්තර ආරක්ෂාව අවදානමක පවතින බව ද විදෙස් මාධ්‍ය පවසයි.
