ජනාධිපති මන්දිරයට අයුතු ලෙස ඇතුළුවී එහි තිබූ ඇඳ ඇතිරිල්ලක් සොරකම් කළේ යැයි අත්අඩංගුවටගත් සැකකරුවකු රක්ෂිත බන්ධනාගාරගත කරන ලෙස කොළඹ කොටුව මහෙස්ත්රාත් අධිකරණය නියම කරනු ලැබුවා.
කොළඹ මධ්යම අපරාධ විමර්ශන කාර්යාංශය විසින් සැකකරු අත්අඩංගුවට ගෙන අධිකරණයට ඉදිරිපත් කර තිබුණි.
එහිදී ඉදිරිපත්කළ කරුණු සලකා බැලූ කොළඹ කොටුව මහෙස්ත්රාත් තිළිණ ගමගේ මහතා අදාළ සැකකරු ලබන 09 වන දක්වා රක්ෂිත බන්ධනාගාරගත කිරීමට නියෝග කරන ලදි.
මේ අතර, ජනාධිපති මන්දිරයට අයුතු ලෙස ඇතුළුවීම සම්බන්ධයෙන් රක්ෂිත බන්ධනාගාර ගතකර සිටි ධානිෂ් අලී ඇතුළු සැකකරුවන් 07 දෙනෙකු ඇප මත මුදාහැරීමට කොළඹ කොටුව මහෙස්ත්රාත් තිළිණ ගමගේ නියෝග කරනු ලැබුවා.
මෙම සිද්ධිය සම්බන්ධයෙන් සැකකරුවන් ලෙස නම්කර සිටින ළහිරු වීරසේකර හා තවත් සැකකරුවෙක් අද (26) අධිකරණයට ඉදිරිපත්වීමෙන් අනතුරුව ඔවුන්ද රුපියල් ලක්ෂ පහක ශරීර ඇප දෙකක් මත මුදාහරින ලදි.