නොපෙනෙන බලවේගයක් විසින් ජනාධිපතිවරයාගේ කකුලෙන් අදින බව සමගි ජන බලවේගයේ කලුතර දිස්ත්‍රික් මන්ත්‍රී කුමාර වෙල්ගම පවසනවා.
ඒ, අද (01) දින පාර්ලිමේන්තුවේ අයවැය විවාදයට එක්වෙමින්.
එලෙස කකුලෙන් අදින්නේ පාර්ලිමේන්තු මන්ත්‍රීවරුන් නොවන බවත් මන්ත්‍රීවරුන් ජනාධිපතිවරයාට කැමති බවත් ඔහු පවසනවා.
ජනාධිපතිවරයාගේ යෝජනා ක්‍රියාත්මක කළහොත් නොපෙනෙන බලවේගය අප්‍රසාදයට පත් වෙන බවත් දූෂිතයන් සිටිනවා නම් ඔවුන්ට තනතුරු නොදෙන ලෙස තමා ජනාධිපතිවරයාට පවසන බවත් කුමාර වෙල්ගම ප්‍රකාශ කර සිටිනවා.
“රනිල් වික්‍රමසිංහ මහතාගේ අයවැය ඇත්තටම හොඳයි.එය අද කාලෙට ගැලපෙන අය වැයක්.මේක ක්‍රියාත්මක කරන්න බැරිද? පුළුවන් ද කියා මා දන්නේ නැහැ. අයවැය පරතරය සියයට සියයයි. ඒකට ණය ගන්න වෙනවා.
පසුගිය අයවැයේ වුනේ මේසෙට ගහපු එක පමණයි. මේ සැරේ එහෙම නොවේවා කියා කියනවා .කෘතහස්ත දේශපාලකයෙක් විදියට රනිල් වික්‍රමසිංහ මහතා වැඩේ කරනු ඇතැයි මා සිතනවා
චීනය ,ඇමරිකාව ආදී රටවල් උදව් කරන්නේ ලොකු බලාපොරොත්තු ඇතිව නමුත් ඉන්දියාව දැනට ඩොලර් බිලියන 4ක ආධාර ලබා දී තිබෙන බවත් මේ පිළිබඳව අපි අපේ ලොකු අයියාට අත් දෙක උත්සාහ වැඳිය යුතු අතර ලොකු අයියා,මල්ලිලා හොඳට බලාගන්න බව පෙනෙන්නට තියෙනවා”
