කිලෝග්රෑම් පනහේ සිමෙන්ති කොට්ටයක මිල රුපියල් 100 කින් අද (04) මධ්යම රාත්රියේ සිට පහත දැමීමට ඉන්සී සහ ටෝකියෝ සුපර් සිමෙන්ති සමාගම් තීරණය කර තිබෙනවා.
ඒ, ඉදිකිරීම් කර්මාන්තයේ වර්ධනයට සහාය දැක්වීමේ අරමුණින්.
ඒ අනුව රුපියල් 3,200ක්ව පැවති ඉන්සී සංස්ථා, ඉන්සී මහවැලි මෙරීන් ප්ලස්, ටෝකියෝ සුපර් සහ නිපොන් කිලෝග්රෑම් පනහේ සිමෙන්ති කොට්ටයක නව මිල වන්නේ රුපියල් 3,100ක්.
මේ අතර, හෙට (05) මධ්යම රාත්රියේ සිට ක්රියාත්මක වන පරිදි දේශීය කිරිපිටි මිල ඉහළ දමා තිබෙනවා.
ඒ අනුව ග්රෑම් 400 කිරිපිටි පැකට්ටුවක් රුපියල් 850 සිට 950ක් දක්වා ඉහළ දමා ඇත. එසේම කිලෝ එකක කිරිපිටි පැකට්ටුවක සංශෝධිත මිල රුපියල් 2350කි.
මීට පෙර කිලෝ එකක කිරිපිටි පැකට්ටුවක මිල සටහන් වූයේ රුපියල් 2120ක් ලෙසටයි. එසේම මේද රහිත කිරිපිටි පැකට්ටුවක මිල රුපියල් 840 සිට රුපියල් 1050ක් දක්වා ඉහළ දමා තිබෙනවා.