ගෑස් වෙළෙඳපොළට නිකුත් කිරීමේදී ලබන බදාදා තෙක් සීමා කරන බව ලිට්‍රෝ ගෑස් සමාගම පවසනවා.
උත්සවය සාමය තුළ පවතින අධික ඉල්ලුමත්, ඇනවුම් කර ඇති ගෑස් නෞකාව දිවයිනට පැමිණීම ප්‍රමාද වීම හේතුවෙන් මෙම සීමා කිරීම් සිදු කරන බවයි සභාපති මුදිත පීරිස් මහතා කියා සිටියේ.
සභාපතිවරයා කියා සිටියේ ලබන 30 වන දින වන විට ගෑස් නෞකා කිහිපයක් දිවයිනට පැමිණීමට නියමිත බවයි.
එම ගෑස් ගොඩබෑමෙන් අනතුරුව පසුව ගෑස් නිකුත් කිරීමේ කටයුතු සාමාන්‍ය පරිදි සිදු කරන බවද ඒ මහතා ප්‍රකාශ කළා.
එහිදී අදහස් දැක්වූ සභාපතිවරයා “ලිට්‍රෝ ගෑස් ආයතනය ගෑස්වල හිඟතාවයක් දකින්නේ නැහැ. එත් දෙසැම්බර් මාසයේ උත්සව සමය එක්ක අපි පවතින ඉල්ලීම නිරීක්ෂණය කරනවා. මේ වෙන කොට ඉල්ලුම වැඩි වෙලා තියෙනවා. ඒ නිසා ලබන මාසය සඳහා ගෑස් මෙට්‍රික් ටොන් 34000ක් ඇනවුම් කරලා තියෙනවා. ඒ අනවුමෙන් කොටසක් බ්‍රහස්පතින්දා මෙරටට ළඟා වෙනවා. ඉන් පසු එක දිගටම ජනවාරි වෙනකන් නෞකා එනවා. අපි දැනට සීමා සහිතව සිලින්ඩර් 42000ක් විතර මාකට් එකට දුන්නා. සමහර තැන්වල අඩුවක් තියෙන්න පුළුවන්. එත් ඒක හිඟයකට වඩා අපි සිමා සහිතව නිකුත් කරනවා.”
