ලොව ඉහළම ආහාර උද්ධමනය සහිත රටවල් අතරට ශ්රී ලංකාව 6 වන ස්ථානයට පත්ව තිබෙනවා.
ලොව බැංකුව විසින් නිකුත් කළ ලොව ආහාර සුරක්ෂිතතාවය සම්බන්ධයෙන් නොවැම්බර් මසට අදාළව නවතම වාර්තාවේ මේ බව සඳහන් වනවා.
අදාළ වාර්තාවට අනුව ශ්රී ලංකාවේ ආහාර උද්ධමනය සියයට 86ක් ලෙස සටහන්ව තිබෙනවා.
ලොව දරුණුම ආහාර උද්ධමනය සහිත රට ලෙස සිම්බාබ්වේ නම් කර ඇති අතර එහි උද්ධමන අගය සියයට 321ක්.
වෙනිසියුලාව සහ ලෙබනනය ද ආහාර උද්ධමනය සියයට සීයක් ඉක්මවා ඇති අතර එම අගයන් සීයට 208ක් සහ සියයට 158ක්.
නිකුත් කළ වාර්තාවට අනුව තුර්කිය සහ අර්ජින්ටිනාව ආහාර උද්ධමනය සහිත රටවල් ලෙස නම් කර තිබෙනවා.
මෙම රටවල් තුනට අමතරව ශ්රී ලංකාවට වඩා වැඩි ආහාර උද්ධමනයක් සහිත රටවල් ලෙස ශ්රේණිගත කර ඇත්තේ තුර්කිය සහ ආර්ජන්ටිනාවයි.
ඉරානය ශ්රී ලංකාවට පසුව ලැයිස්තුගත වී ඇති අතර එහි ආහාර උද්ධමනය සීයයට 84ක් වනවා.
පසුගිය සැප්තැම්බර් මාසයේ නිකුත් කළ ලෝක බැංකු වාර්තාවට අනුව ශ්රී ලංකාවේ ආහාර උද්ධමනය සීයයට 91ක් ලෙස දක්වා තිබූ අතර එහිදී ශ්රී ලංකාවේ ස්ථානගතව තිබුණේ වැඩිම ආහාර උද්ධමනය සහිත රටවල් අතර සිව්වන ස්ථානයේයි.
ඒ අනුව මාසයකට පසුව ගත වූ කාලසීමාවේදී ශ්රී ලංකාවේ ආහාර උද්ධමනය සියයට 5කින් අඩු වී ඇති බවයි අදාළ වාර්තාවේ සඳහන් වන්නේ.