මහනුවර මැණික්හින්න බාලක මහා විද්‍යාලයේ නියෝජ්‍ය විදුහල්පතිනිය වන තරංගනී සෝමතිලක මහත්මිය එම පාසලේ 5 ශ්‍රේණීයේ දරුවෙකුට අමානුෂික ලෙස පහරදීමේ සිදුවීමක් වාර්තා වනවා.
පසුගිය 18 වන සිකුරාදා පාසලෙන් පසුව පැවති 5 ශ්‍රේණිය අමතර පන්තියක මෙම නියෝජ්‍ය විදුහල්පතිනිය හා තවත් ගුරුවරියක උගන්වමින් සිට ඇති අතර අනෙක් ගුරුවරුයගේ පන්තියේ සිටි සිසුන් කෑකෝ ගසන බව පවසා එම පන්තියේ සිසුන් පිරිසකටම මෙම තරංගනී සෝමතිලක නම් නියෝජ්‍ය විදුහල්පතිනිය පහරදී තිබෙනවා.
පහරදීමෙන් දැඩි ලෙස වේදනාවට පත්වූ මෙම සිදුවීමට අදාළ සිසුවා පාසලේ ගේට්ටුව අසළ හඩමින් සිට ඇති අතර ඒ පිළිබදව ඔහුගේ පියා විමසීමෙන් පසුව දරුවා සිදුවූ සියල්ල පවසා ඇතත් එය නියෝජ්‍ය විදුහල්පතිනියගෙන් නොවිමසන ලෙස පියාට පවසා තිබෙනවා.
කෙසේවෙතත් නියෝජ්‍ය විදුහල්පතිනිය මුණගැසී පියා කාරුණිකව පවසා ඇත්තේ දරුවන්ට පහරක් ගැසීමට තමන් විරුද්ධ නොවුණත් අපස්මාරය හා අක්ෂි රෝගයකින් පෙළෙන තම දරුවාට මෙලෙස පහරදීම වැරදි සහගත ක්‍රියාවක් බවයි.
පසුව ඉන් කුපිතවූ නියෝජ්‍ය විදුහල්පතිනිය අනෙක් දෙමාපියන්ද ඉදිරියේ මෙම දරුවාගේ පියාට ‘තමුසේ’ යනාදී වචන භාවිතා කරමින් ඉතා අසභ්‍ය ලෙස බැණවැදුණු ආකාරය පහත වීඩියෝවේ දැක්වෙනවා.
