තරගය නිමා වීමට මිනිත්තු 7ක් ඉතිරිව තිබියදී කැසමීරෝගේ විශිෂ්ඨ පා පහරින් ගිලිහුණු පන්දුව ස්විට්සර්ලන්ත දැල ආක්රමණය කරද්දී පස්වරක් ලෝක ශූරයින් වූ බ්රසීලයට මෙවර තරගාවලියේදීත් සුපිරි 16 දෙනාගේ වටයේ ඉඩ වෙන් කර දුන්නා.
කැසමීරෝ පන්දුව දැල වෙත යොමු කළ පහර කොතරම් විශිෂ්ට දැයි කිවහොත් ස්විස් දැල් රකින්නා වූ Yann Sommer ට හැකි වූයේ ඒ දෙස බලන්නට පමණයි.
පැයක් තිස්සේ නැවතී තිබුණු ලකුණු පුවරුව ක්රියාත්මක කරමින් Vinicius Jr ලබා ගත් ගෝලය ඕෆ් සයිඩ් බව ප්රතිරූපන නැරඹීමෙන් අනතුරව විනිසුරු දැනුම් දුන්නේ බ්රසීල ප්රීති ඝෝෂා ක්ෂණයකින් අවසන් කරමින්.
කණ්ඩායම් දෙකම එක ලකුණ බැගින් බෙදා ගනිමින් තරගය අවසන් කර ගත හැකි වෙතැයි සිතා සිටි ස්විස් ප්රේක්ෂකයන් සසල කල කැසමීරෝ 974 ක්රීඩාංගනයට රැස්ව සිටි බ්රසීල ක්රීඩාලෝලීන්ට කලකට අමතක නොවන ආශ්වාදයක් විඳ ගැනීමට ඉඩ සලසා දුන්නා.