ඉන්දියාව සමඟ පැවැති අවසන් එක්දින ජාත්‍යන්තර තරඟයෙන් අත්වූ අන්ත පරාජය සම්බන්ධයෙන් වාර්තාවක් ඉදිරිපත් කරන ලෙස ශ්‍රී ලංකා ක්‍රිකට් ආයතනය ශ්‍රී ලංකා කණ්ඩායමේ කළමනාකරුට දැනුම් දී තිබෙනවා.
ඒ අනුව මෙම වාර්තාවේ ශ්‍රී ලංකා ක්‍රිකට් කණ්ඩායමේ නායකයා, ප්‍රධාන පුහුණුකරු, තේරීම් කමිටුව සහ කළමනාකරුගේ අදහස් ඇතුලත් විය යුතුයි.
අදාළ වාර්තාව දින 5ක් ඇතුලත කඩිනමින් ලබා දෙන ලෙසයි ශ්‍රී ලංකා ක්‍රිකට් ආයතනය ශ්‍රී ලංකා කණ්ඩායමේ කළමණාකරුගෙන් ඉල්ලා ඇත්තේ.
ශ්‍රී ලංකාව සහ ඉන්දියාව අතර ඊයේ (15) තිරුවනන්පුරම් හි පැවති අවසන් එක්දින තරඟයෙන් ලකුණු 317කින් ශ්‍රී ලංකාව පරාජයට පත් විය.
එය එක්දින ජාත්‍යන්තර තරඟයකදී කණ්ඩායමක් වාර්තා කළ විශාලම පරාජය ලෙසයි සැලකෙන්නේ.
