මැතිවරණය පැවැත්වීමට අවශ්ය පහසුකම් සැලසිය හැකි දැයි මැතිවරණ කොමිසම මහ බැංකු අධිපතිවරයාගෙන් විමසීමක් සිදුකර තිබෙනවා.
එම කොමිසම මෙම විමසීම සිදුකර ඇත්තේ මහ බැංකු අධිපතිවරයාට ලිපියක් යොමු කරමිනුයි.
මෙහිදී ඛනිජ තෙල් සංස්ථාවට සහ විදුලිබල මණ්ඩලයට මැතිවරණය සඳහා විදුලිය හා ඉන්ධන ලබාදීම වෙනුවෙන් ඩොලර් සැපයිය හැකි දැයි යන්න කොමිසම විමසා ඇති බවයි වාර්තා වන්නේ.
පසුගියදා ඛනිජ තෙල් සංස්ථාවේ හා විදුලිබල මණ්ඩලයේ ප්රධානීන් සමඟ මැතිවරණ කොමිසම පැවැත්වූ සාකච්ඡාවකදී නිසි පරිදි ඉන්ධන හා විදුලි සැපයුම පවත්වාගෙන යාමට ඩොලර් හිඟය බාධාවක් වී ඇති බව එම ප්රධානීන් පෙන්වා දී තිබෙනවා.
ඩොලර් හිඟය මඟ හැරවීම සඳහා අවශ්ය සහය ලබා දෙන්නේ ද යන්න පිළිබඳව මහ බැංකුවෙන් විමසීමක් කරන ලෙස ඔවුන් එම සාකච්ඡාවේ දී මැතිවරණ කොමිසමෙන් වැඩිදුරටත් ඉල්ලා ඇති බවයි වාර්තා වන්නේ.