පැරිස් ක්ලබ් සාමාජික රටක් වන එක්සත් රාජධානිය ජාත්‍යන්තර මුල්‍ය අරමුදලෙන් ණය ලබා ගැනීමේ දී ශ්‍රී ලංකාව වෙනුවෙන් සහතික වන බව එරට අමාත්‍ය ඈන් ම‍රී ප්‍රකාශ කර තිබෙනවා.
ජාත්‍යන්තර මුල්‍ය අරමුදලෙන් ණය අරමුදල් ලබා ගැනීමේ දී අනෙකුත් සාමාජික රටවල් සමඟ සාකච්ඡා කිරීමට ණය අයදුම් කරනු ලබන රට කටයුතු කළ යුතු බවයි එරට පාර්ලිමේන්තුව අමතමින් ඇය සඳහන් කර ඇත්තේ.
මේ අතර ශ්‍රී ලංකාවේ ණය ප්‍රතිව්‍යුහගත කිරීම සඳහා ගන්නා ක්‍රියාමාර්ගවලදී චීනය සහ ඉන්දියාව සහභාගී වීම තහවුරු කිරීම සඳහා පැරිස් සමාජයේ ණය හිමියන් සහ ජාත්‍යන්තර මුල්‍ය අරමුදල අතර සම්බන්ධීකරණය සිදු කරමින් වසර 70කින් මුහුණ දුන් දරුණුතම ආර්ථික අර්බුදයට මුහුණ දී ශ්‍රී ලංකාවට සහය වීමට ජපානය දැඩි වෙහෙසක් ගෙන කටයුතු කරන බව ජපානයේ ජාත්‍යන්තර කටයුතු පිළිබඳ මුදල් නියෝජ්‍ය අමාත්‍ය මසාතෝ කන්ඩා මහතා පවසනවා.
ඒ මහතා මේ බව ප්‍රකාශ කර ඇත්තේ රොයිටර් පුවත් සේවයට ලබාදුන් සම්මුඛ සාකච්ඡාවකදීයි.
