ශ්රී ලංකා මානව හිමිකම් කොමිෂන් සභාවේ විධානය ක්රියාත්මක කිරීම පැහැර හැරීම සහ ඊට අගෞරව වන පරිදි අපහාස කිරීමේ වරදට අදාළ පාර්ශවයන් වෙත නඩු පැවරීමට එම කොමිසම තීරණය කර තිබෙනවා.
ඒ ජනවාරි 23 වනදා සිට පෙබරවාරි 17 වනදා අපොස උසස් පෙළ විභාගය පැවැත්වෙන කාලයේ දී අඛණ්ඩව විදුලිබල සැපයුමක් ලබාදීමේ විධානය ක්රියාත්මක නොකිරීම සම්බන්ධයෙන්.
මේ අනුව අදාළ කොමිසම දැනුම් දෙන්නේ ඊට අදාළ සහතිකය ශ්රේෂ්ඨාධිකරණය වෙත අද (27) දින යොමු කළ බවයි.
විදුලිබල හා බලශක්ති අමාත්යාංශයේ ලේකම් එම්. පී. ඩී. යූ. මාපා පතිරණ, ලංකා විදුලිබල මණ්ඩලයේ සභාපති එම්. එස්. ඉලංගකෝන් මහතා සහ නීතිපතිවරයා මෙම පැමිණිල්ලේ වගඋත්තරකරුවන් ලෙස සඳහන් කර ඇති බවයි මානව හිමිකම් කොමිසම වැඩිදුරටත් පවසන්නේ.