පාස්කු ප්රහාරය සම්බන්ධයෙන් සොයා බැලීමට පත්කර ඇති ජනාධිපති කොමිසමේ සාක්ෂිකරුවෙකු වන රිෂාම් මරූෂ් මහතාට ඊයේ (8) රාත්රියේ කිසියම් පිරිසක් ගල්කිරියාගම පුබ්බෝගම ප්රදේශයේදී පහර දී තිබෙනවා.
පහර කෑමෙන් තුවාල ලැබූ රිෂාම් ප්රතිකාර සදහා දඹුල්ල රෝහලට ඇතුළත් කෙරුණා.
සිදුවීම සම්බන්ධයෙන් පහරකෑමට ලක්වූ රිෂාම් දඹුල්ල රෝහල් පොලිසියට ප්රකාශයක් ලබාදී ගල්කිරියාගම පොලීසියට පැමිණිල්ලක් ද ඉදිරිපත් කර තිබෙනවා.
පහරදීමේ සිදුවීම සම්බන්දයෙන් රිෂාම් පවසන්නේ අදාල පුද්ගලයින් පහර දෙන අවස්ථාවේදී ඔවුන් කවුරුන්දැයි තමන් හදුනාගත් බවයි.
ඔවුන් පුබ්බෝගම හා අවට පදිංචිකරුවන් බවත්, 15 දෙනෙකු පමණ වටවී තමන්ට එහිදී යකඩ පොලුවලින් පහර දුන් බවත් පහරකෑමට ලක්වූ රිෂාම් මරූෂ් සදහන් කරනවා.
රිෂාම් ප්රබල දේශපාලන නායකයින් කිහිප දෙනෙකුට එරෙහිවී ඇති බව පවසමින් ඔවුන් තමන්ට පහරදුන් බවද පොලීසියට පැමිණිලි කරමින් රිෂාම් සදහන් කර තිබෙනවා.
මේ වනවිට පහර කෑමට ලක්වූ රිෂාම් මරූෂ්ගේ නිවසට පොලිස් ආරක්ෂාවක් යෙදවීමට පොලීසිය කටයුතු කර තිබෙනවා.