ගිල්ගිට්-බල්ටිස්තානයේ විරෝධතාකරුවන් ඉන්දියාව සමඟ එක්සත් වීමට ඉල්ලා සිටීම මේ වන විට පාකිස්තානයේ බරපතල කනස්සල්ලට හේතුවී ඇති බව වාර්තා වේ.
පාකිස්තානයෙන් වෙන්වීමට අවශ්‍ය බව පන්ජාබ් හැර අනෙකුත් සියලුම පාකිස්තාන පළාත් පසුගිය කාලය පුරා ප්‍රකාශ කර තිබිණි.
ඒ අතුරින් ගිල්ගිට්-බල්ටිස්තානය දැන් ඉන්දියාව සමඟ එක්සත් වීමට ඉල්ලා ඇති බව ජනමාධ්‍ය වාර්තා කරයි. කලින් උතුරු ප්‍රදේශ ලෙස හැඳින්වූ කාශ්මීරයට යාබද ගිල්ගිට්-බල්ටිස්තානය, දැනට පාකිස්තනයේ පරිපාලනය යටතේ පවතින නමුත්, ඉන්දියාව සහ පකිස්ථානය අතර එම කලාපය සමබන්ධයෙන් ආරවුල් පවතී.
කෙසේවෙතත් ඉන්දියාව ගිල්ගිට්-බල්ටිස්තාන කලාපයේ මෙම වර්ධනයන්ට නිල වශයෙන් ප්‍රතිචාර දක්වා නැත.
ඉන්දීය රජය, සමාජ ක්‍රියාකාරීන් සහ මාධ්‍ය විසින් පාකිස්තාන පාලනය යටතේ පවතින කාශ්මීරයේ මිලිටරි පීඩනය, මූලික අයිතිවාසිකම් නොමැතිකම, ඉහළ උද්ධමනය, විරැකියාව සහ තිරසාර නොවන සම්පත් සූරාකෑම පිළිබඳ විරෝධතා ඇතුළු ගැටලු නිරන්තරයෙන් ඉස්මතු කරන බව වාර්තාවෙනවා.
ගිල්ගිට්-බල්ටිස්තානයේ විරෝධතාකරුවන් සමාජ මාධ්‍ය ඔස්සේ වීඩියෝ පට නිකුත් කරමින් සිය කලාපය ඉන්දියාවේ ලඩාක් කලාපයට අයත් කාර්ගිල් වෙත ඈඳා ගන්නා ලෙස ඉල්ලා සිටිනු දැකිය හැකිවේ.
