ඕස්ට්රේලියාවේ හින්දු කෝවිල්වලට හානි කිරීම ඉන්දියාව විසින් හෙළා දැක ඇති අතර, ඒ සම්බන්ධයෙන් අපරාධකරුවන්ට එරෙහිව කඩිනම් පරීක්ෂණයක් පවත්වන ලෙස ඕස්ට්රේලියානු රජයෙන් ඉල්ලා සිටි බව වාර්තා වේ.
ඕස්ට්රේලියාවේ කැරුම් ඩෝන් හි පිහිටි ශ්රී ශිව විෂ්ණු කෝවිල පසුගියදා හින්දු විරෝධීන් විනාශ කිරීමෙන් පසුව ඉන්දියාව මෙම ප්රකාශය සිදුකර තිබේ.
තෙදිනක් පුරා පැවති ඕස්ට්රේලියාවේ දෙමළ හින්දු ප්රජාව විසින් සමරනු ලැබූ “තෛපොංගල්” උත්සවයෙන් පසු සිදුවූ මෙම ක්රියාව ඉන්දියාවේ බරපතල විරෝධයට හේතුවී තිබේ.
ශ්රී ශිව විෂ්ණු කෝවිලේ බැතිමතෙක් වන ඌෂා සෙන්තිල්නාදන් ඕස්ට්රේලියානු මාධ්ය වෙත පවසා ඇත්තේ, ඔවුන් ඕස්ට්රේලියාවේ දෙමළ සුළුතර කණ්ඩායමක් බවත් ඔවුන් බොහෝ දෙනෙක් සරණාගතයින් ලෙස පැමිණියේ ආගමික හිංසනයෙන් බේරීමට බවත්ය.
ඊට පෙර, ජනවාරි 12 වන දින, මෙල්බර්න් හි මිල් පාර්ක් ප්රදේශයේ පිහිටි ස්වාමිනාරායන් විහාරස්ථානයේ බිත්තිවල ඉන්දීය විරෝධීන් විසින් ඉන්දියානු විරෝධී සටන් පාඨ ලියා විනාශ කරන ලද බවද ජනමාධ්ය වාර්තා කර ඇත.