ජම්මු සහ කාශ්මීරයේ කිෂෙන්ගංගා සහ රැට්ල් ජලවිදුලි ව්‍යාපෘති පිළිබඳ ආරවුල හේතුවෙන්, ඉන්දියාව පාකිස්තානය සමඟ වසර 62ක් පැරණි ඉන්දු ජල ගිවිසුම (IWT) වෙනස් කිරීමට අවශ්‍ය බව පසුගියදා නිවේදනය කළේය.
එසේම මෙම ගිවිසුම සම්බන්ධයෙන් හේග් නුවර බේරුම්කරණ අධිකරණයක් වෙත යෑමට පාකිස්ථානය ගෙන ඇති ඒකපාර්ශ්වික තීරණයටද ඉන්දියාව විරෝධය පළ කර තිබේ.
මෙම ජල ගිවිසුමේ XII (3) වගන්තිය අනුව ගිවිසුම වෙනස් කරන ලෙස ඉල්ලා ඉන්දීය රජය පසුගිය ජනවාරි 25 දින පාකිස්තානයට ලිඛිතව දන්වා ඇති බව ආරංචි මාර්ග සඳහන් කරයි.
IWT අකුරටම ක්‍රියාත්මක කිරීමේදී ඉන්දියාව සැමවිටම වගකිවයුතු හවුල්කරුවෙකු ලෙස කටයුතු කර ඇති නමුත්,
පාකිස්තනය් විවිධ අවස්ථාවලදී මෙම ගිවිසුම උල්ලංඝනය කරමින් කටයුතු කර ඇත.
ඉන්දියාව සහ පාකිස්ථානය අතර 1960 දී අත්සන් කරන ලද ඉන්දු ජල ගිවිසුම කිසි විටෙකත් වෙනස් කර නොමැති අතර, ඉන්දියාව සහ පාකිස්ථානය අතර යුද්ධ සහ ආතතිය විඳදරාගත් දකුණු ආසියාවේ වඩාත්ම සාර්ථක අන්තර්ජාතික ගිවිසුමක් ලෙසද එය වාර්තා අතරට එක්ව ඇත.
