75 වන නිදහස් සැමරුම සඳහා රුපියල් මිලියන 162.8 ක මුදලක් වෙන් කර ඇති බව රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්යංශය පවසනවා.
ඒ අනුව අදාළ උත්සවය සඳහා බුද්ධ ශාසන, ආගමික හා සංස්කෘතික කටයුතු අමාත්යංශය රුපියල් මිලියන 40 ක්, අධ්යාපන අමාත්යංශය රුපියල් මිලියන 5.8 ක්, රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්යංශය රුපියල් මිලියන 55 ක්, රජයේ කර්මාන්ත ශාලා දෙපාර්තමේන්තුව රුපියල් මිලියන 39 ක්, ජාතික ජලසම්පාදන හා ජලාපවාහන මණ්ඩලය රුපියල් මිලියන 02 ක්, ලංකා විදුලිබල මණ්ඩලය රුපියල් මිලියන 21 ක් වියදම් කිරීමට නියමිතයි.
එමෙන්ම ජනවාරි මස 02 වන දින වන විට නිදහස් උත්සවය සඳහා ජංගම වැසිකිළි සදහා පමණක් රුපියල් එක්කෝටි හතලිස් දෙලක්ෂ පනස් අටදහස් අටසිය පනහක මුදලක් (14,258,850.00) වැය කොට තිබෙනවා.
අකුණු සන්නායක පද්ධතිය සවිකිරීමට එම දිනට පමණක් රුපියල් තුන්ලක්ෂ හතලිස් පන්දහසක මුදලක් (345,000.00) සහ ආරාධිතයන්ට පුටු සැපයීම සඳහා රුපියල් නවලක්ෂ පනස් පන්දහස් හයසිය පනහක මුදලක් (955,650.00) වෙන්කර තිබෙනවා.
තවද රූපවාහිනි යන්ත්ර, විදුලි පංකා, කාර්මික පංකා ඇතුළු සිසිලන යන්ත්ර සැපයීම සඳහා රුපියල් පන්ලක්ෂ දහනවදහස් දෙසිය විසි පහක මුදලක්ද (519,225.00) විද්යයුත් තිර සැපයීම සඳහා රුපියල් විසි හත්ලක්ෂ අනූ තුන්දහස් හත්සිය පනහක මුදලක් (2,793,750.00) වෙන් කර ඇති බවයි රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්යංශය පවසන්නේ.
මීට අමතරව රුපියල් දහතුන් ලක්ෂයක කොඩි, රුපියල් ලක්ෂ 4 ක පුෂ්පෝපහාර සඳහා මල්, රුපියල් මිලියනයක ආරාධනා පත්ර තැපැල් කිරීම් යනාදී දහසකුත් එකක් වියදම් මීට ඇතුළත්වනවා.