අලව්ව නගරයේ සති පොළේ වෙළෙදුන්ගේ හා කොවිඩ් 19 වෙෙරසය ආසාදිත පුද්ගලයින් සම්බන්ද ආශ්‍රිතයන්ගේ PCR පරීක්ෂණ කිහිපයක් පසුගිය 09 වනදා සිදු කර තිබෙනවා.
එම PCR පරීක්ෂණ වාර්තා අද (11) ලැබී ඇති අතර එම වාර්තාව අනුව කොවිඩ් 19 ආසාදිතයින් 27දෙනෙකු හඳුනා ගැනුණා.
ඒ අනුව අලව්ව නගරයේ කොවිඩ් ව්‍යාප්තිය වැළැක්වීම සඳහා අලව්ව නගරය වසා දැමීමට කටයුතු කරන ලෙස අලව්ව වෙළෙඳ සංගමය මහජන සෞඛ්‍ය පරීක්ෂකවරුන්ගෙන් ඉල්ලීමක් සිදු කර තිබෙනවා.
එම ඉල්ලීමට අනුව අලව්ව නගරය දින තුනක් වසා දැමීමට තීරණය කළ බව අලව්ව මහජන සෞඛ්‍ය පරීක්ෂක පරීපාලන වෙෙද්‍ය නිළධාරී එම්.කේ.එ්.ඛාන් මහතා පවසනවා.
ඒ අනුව 12, 13, 14 යන දින තුන අලව්ව නගරය වසා දැමීමට කටයුතු කර තිබෙනවා.
එම දින තුන තුළ අලව්ව සති පොළේ වෙළෙදුන්, අලව්ව නගරයේ වෙළදසැල් හිමියන් හා කොවිඩ් 19 වෙෙරසය ආසාදිත පවුල්වල ආශ්‍රිතයන් PCR පරීක්ෂණය සදහා යොමුවන ලෙසත් එ් මහතා වැඩිදුරත් සදහන් කරනවා.
