අමෙරිකානු ඩොලරයට සාපේක්ෂව ශ්රී ලංකා රුපියල තවත් ශක්තිමත්ව තිබෙනවා.
ඒ අනුව අද (09) වන විට ඇමරිකානු ඩොලරයේ ගැණුම් මිල රුපියල් 307.36ක් බවයි ශ්රී ලංකා මහ බැංකුව පවසන්නේ.
විකුණුම් මිල රුපියල් 325.52ක් ලෙස සටහන් වනවා.
කෙසේ වෙතත් ඇතැම් වානිජ බැංකුවල ඩොලරයක ගැනුම් මිල රුපියල් 300 දක්වා පහත බැස තිබුණා.
මේ අතර කොළඹ රන් වෙළෙඳ පොළේ රත්රං මිල අද වන විට තවදුරටත් පහළ ගොස් ඇතැයි වෙළෙඳ පොළ ආරංචි මාර්ග පවසනවා.
අද පෙරවරුවේ කැරට් 24 ක රන් පවුමක මිල සටහන් වූයේ රුපියල් 145,000ක් ලෙසයි.
එසේම කැරට් 22 රන් පවුමක මිල රුපියල් 134,000ක් දක්වා පහළ ගොස් තිබෙනවා.
මෙම මස ආරම්භයේදී කොළඹ හෙට්ටිවීදිය රන් වෙළෙඳපොලේ කැරට් 24 ක රන් පවුමක මිල රුපියල් 184,000ක් ලෙසත් කැරට් 22 රන් පවුමක මිල 170,000 ක් ලෙස සටහන්ව තිබුණා.
ඒ අනුව කැරට් 24ක රන් පවුමක් ගත වූ දින 9 තුළ රුපියල් 39,000කින් අඩු වී තිබෙනවා.