ශ්‍රී ලංකාව සමග දෙවන ටෙස්ට් තරගයේ පළමු ඉනිම ක්‍රීඩා කළ නවසීලන්තය කඩුලු 4ක් පමණක් දැවී ලකුණු 580ක් රැස් කර ගෙන සිටියදී සිය ඉනිම අත්හිටවනු ලැබුවා.
එහිදී කේන් විලියම්සන් සහ හෙන්රි නිකලස් ද්විත්ව ශතක ලබා ගත්තා.
කේන් පන්දු 296කින් ලකුණු 215ක් ලබා ගත් අතර නිකලස් පන්දු 240කින් නොදැවී ලකුණු 200ක් රැස් කළා.
නවසීලන්තය වෙනුවෙන් ටෙස්ට් ඉනිමක ක්‍රීඩකයින් දෙදෙනෙක් ද්විත්ව ශතක රැස් කළ පළමු අවස්ථාව මෙයයි.
පන්දු යැවීමේ දී කසුන් රාජිත ලකුණු 126 කට කඩුලු 2ක් දවා ගත්තා.
නවසීලන්තය අද දිනය ආරම්භ කරන විට කඩුලු 2ක් දැවී ලකුණු 155ක් ලබා ගෙන සිටියා.
ඒ අනුව අද දිනයේ පන්දුවාර 75ක් තුල ලකුණු 425ක් රැස් කර ගැනීම කැපී පෙනන කරුණක්.
පිළිතුරු ඉනිම ක්‍රීඩා කරමින් සිටින ශ්‍රී ලංකා කණ්ඩායම කිසිවෙකු නොදැවී ලකුණු 6ක් ලබා ගෙන සිටිනවා.
අද දිනට යැවීමට ඉතිරිව ඇති පන්දුවාර ගණන 17ක්.
