එක්සත් ජනපදයේ ෆෙඩරල් විමර්ශන කාර්යාංශයේ (FBI) ජාත්‍යන්තර මෙහෙයුම් අංශයේ සහකාර අධ්‍යක්ෂ Raymond Duda, නවදිල්ලියේ නිල සංචාරයක නිරතවුණා.
එම සංචාරය ඉන්දියාවේ නීතිය බලාත්මක කිරීම සමඟ FBI සහයෝගීතාවය ඉදිරියට ගෙන යනු ඇතැයි ඉන්දියාවේ එක්සත් ජනපද තානාපති කාර්යාලය තැබූ ට්විටර් සටහනක දැක්වුණි.
ජාත්‍යන්තර අපරාධ මර්ධනය සඳහා ජාත්‍යන්තර සහයෝගීතාව අවශ්‍ය වේ,” යැයි ට්විටර් සටහනේ වැඩිදුරටත් සටහන් කර තිබුණි.
ඩුඩා 2022 පෙබරවාරි මාසයේදී FBI හි ජාත්‍යන්තර මෙහෙයුම් අංශයේ සහකාර අධ්‍යක්ෂවරයා බවට පත් විය.
මේ අතර, ඉන්දියාවේ එක්සත් ජනපද තානාපතිවරයා ලෙස නම් කරන ලද එරික් ගාර්සෙට්ටි, ඉන්දියාවට පැමිණියේය.
ඔහු එහිදී තානාපති කාර්යාලයේ සියලුම සාමාජිකයින් හමුවී තිබේ.
ගාර්සෙට්ටි ඉන්දියාවට පැමිණීමේදී, එක්සත් ජනපදයේ ඉන්දියානු තානාපති කාර්යාලය ට්විටර් සටහනක් තබමින් පැවසුවේ, “නමස්තේ, තානාපති – එරික් ගාර්සෙට්ටි! #IncredibleIndia වෙත ඔබව පිළිගැනීමට සහ අපගේ ශ්‍රේෂ්ඨ ජාතීන් දෙක අතර වඩාත් ශක්තිමත් සබඳතා ගොඩනඟා ගැනීමට ඔබ සමඟ වැඩ කිරීමට ලැබීම ගැන අපි සතුටු වෙමු.” යනුවෙනි.
ලොස් ඇන්ජලීස් හි හිටපු නගරාධිපති එරිස් ගාර්සෙට්ටි ඉන්දියාවේ එක්සත් ජනපද තානාපතිවරයා ලෙස පසුගිය මාර්තු 15 වැනිදා සෙනෙට් සභාව තහවුරු කළේය.
