අරගලයේ ක්‍රියාකාරී සාමාජිකයෙකු වූ පියත් නිකේෂල මහතා හට පහරදීමේ සිදුවීම මත කඩුවෙල හිටපු නියෝජ්‍ය නගරාධිපති චන්දික අබේරත්න යන අය පොලීසිය විසින් අත්අඩංගුවට ගෙන තිබෙනවා.
ඒ පහරදුන් ඔහුද මුල්ලේරියාව රෝහලේ ප්‍රතිකාර ලබමින් සිටියදීයි.
කොස්වත්ත – සමගි මාවත ප්‍රදේශයේදී අදාළ පහරදීම සිදුවී ඇති අතර පහරකෑ පියත් නිකේෂල මහතා කොළඹ ජාතික රෝහලට ඇතුළත් කර තිබෙනවා.
සිදුවීම වන අවස්ථාවේදී පියත් නිකේෂල මහතා අදාළ සිදුවීම පටිගත කර ඇති අතර එහි දැක්වෙන්නේ ඔහු ගමන් ගත් මෝටර් රථයේ වීදුරු බිද පරුෂ වචන කියමින් පියත් මහතාව රථයෙන් ඉවතට ඇද පහරදුන් බවයි.
චන්දික අබේරත්න මහතා ශ්‍රී ලංකා පොදුජන පෙරමුණේ ක්‍රියාකාරී සාමාජිකයෙකු වනවා.
මේ වන විට වාර්තාවන තොරතුරුවලට අනුව චන්දික අබේරත්න මහතා පසුගිය මැයි 09 වනදා සිදුවීමේදී සිටින වීඩියෝ පටයක් පියත් නිකේෂල මහතා සිය ෆේස්බුක් ගිණුමේ පලකිරීම අදාළ පහරදීමට හේතුව ලෙස වාර්තා වනවා.
