ශ්‍රී ලංකා පොදුජන පෙරමුණ ප්‍රමුඛ ආණ්ඩුව වර්තමානය වන විට ජනතාවගේ පිළිකුලට ලක්ව ඇති බව ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී චන්දිම වීරක්කොඩි මහතා පවසනවා.
මාධ්‍ය වෙත අදහස් පළ කරමින් ඔහු සදහන් කරන්නේ, වර්තමානය වන විට සමස්ත ජනතාවම ආණ්ඩු පෙරළියකට පවා පෙළගැහෙමින් සිටින බවයි.
මේ මොහොත වන විට ආණ්ඩුව ජනතාව අතර ජනප්‍රිය නොවන බවත් පොහොට්ටු පක්ෂය මෙලෙස පටු ආකාරයෙන් හැසිරුන හොත් ඉන් ජනතාව ඈත්විය හැකි බවත් චන්දිම වීරක්කොඩි මහතා පවසනවා.
රමේෂ් පතිරණ, මොහාන් පී. සිල්වා හා නිපුන රණවක යන මැති ඇමැතිවරුන්ගේ ප්‍රධානත්වයෙන් පෙරේදා (27) ශ්‍රී ලංකා පොදුජන පෙරමුණේ හබරාදුව ආසන බලමණ්ඩල රැස්වීම පවත්වා ඇතත් ඊට චන්දිම වීරක්කොඩි මහතාට ආරාධනා කර නැහැ.
මෙම සිදුවීම පිළිබදව මන්ත්‍රීවරයා දැඩිව කණගාටුව පළකරමින් මෙලෙස ආණ්ඩුව විවේචනය කර තිබෙනවා.
