කාන්තාවන්ට සිදුවන වෙනස්කම් හා කාන්තාවන්ගේ අයිතිවාසිකම් කඩවීම් පිළිබඳව සොයා බලා ස්ත්රී-පුරුෂ සමානාත්මතාවය තහවුරු කිරීමට අවශ්ය නිර්දේශ ඉදිරිපත් කිරීම සඳහා විශේෂ පාර්ලිමේන්තු කාරක සභාවක් පත් කරන්නැයි ඉල්ලා කතානායකවරයා වෙත ලිපියක් යොමුවී තිබෙනවා.
පාර්ලිමේන්තව නියෝජනය කරන මන්ත්රීවරියන් සියලු දෙනාගේම අත්සනින් යුතුවයි මෙම ලිපිය ඉදිරිපත් වී ඇත්තේ.
මෙම යෝජනාව අංක 03 දරන න්යාය පුස්තකය හා සම්බන්ධ පරිපූරකයට ඇතුළත් කිරීමට කටයුතු කළ බව පාර්ලිමේන්තු මහ ලේකම් ධම්මික දිසානායක මහතා පවසනවා.
ස්ත්රී පුරුෂ සමතාව සහ සමානාත්මතාවය ප්රවර්ධනය කරමින් එයට ගරු කරනු ලබන බව සහ ශ්රී ලංකාව තුල සියලුම කාන්තාවන් සහ දැරිවියන් සවිබල ගන්වනු ලබන බව සහතික කරමින්, ස්ත්රී පුරුෂ සමාජභාවය මත පදනම්ව කරනු ලබන වෙනස්කොට සැළකීම්වලට ලක් වූ අයගේ නොවිසඳී ඇති ගැටලුවලට පිළියම් සෙවීම සඳහා ප්රධාන වශයෙන් මෙම මෙම කාරක සභාව යෝජනා කර තිබේ.
රැකියා, උසස්වීම් අවස්ථා සහ සේවා ස්ථානයේදී සිදුවන හිංසනයන් ඇතුළුව ස්ත්රී-පුරුෂ සමාජභාවය මත පදනම්ව කරනු ලබන සියලු ආකාරයේ වෙනස්කොට සැලකීම් පිළිබඳ කාන්තාවන්ගේ දුක්ගැනිවිලි විභාග කර බැලීම, සියලුම අංශවලට සහ සියලුම මට්ටම්වලට ප්රමාණවත් අභ්යන්තර සම්පත් වෙන් කර දීම සහ ශ්රී ලංකාව තුළ ස්ත්රී-පුරුෂ සමතාව සහ සමානාත්මතාවය වැඩිදියුණු කිරීම සඳහා ඇති ප්රවේශය සමාලෝචනය කිරීම සහ ඒ වෙනුවෙන් පෙනි සිටීම ඇතුළු යෝජනා දහයක් කාරක සභාවෙන් ඉටුවිය යුතු බවට මන්ත්රීවරියන් යෝජනා කරයි.