පකිස්තානයේ කාන්තා සහ ළමා අපචාර දෙගුණයකින් ඉහළට

2020 වසරේ මුල් මාස හයට සාපේක්ෂව අවසන් මාස හයේදී පකිස්තානයේ ළමා සහ කාන්තා අපචාර දෙගුණයකින් ඉහළ ගොස් තිබේ.

මෙම කරැණු අනාවරණය වී ඇත්තේ එරට තිරසාර සමාජ සංවර්ධනය සදහා වන ආයතනය විසින් ජාත්‍යන්තර කාන්තා දිනය නිමිත්තෙන් නිකුත් කළ වාර්තාවක් මගිනි.

එම වාර්තාවට අනුව, අදාළ කාල සීමාවෙිදී පකිස්තානය තුළ ළමා සහ කාන්තා පැහැරගැනීම් 15,714 ක්, කාන්තාවන්ට එරෙහි ප්‍රචණ්ඩ ක්‍රියා 9401ක්, ස්ත්‍රී දූෂණ 4321 ක් සහ ගෞරවය උදෙසා මරා දැමීම් 2556ක් වාර්තා වී තිබේ.

වාර්තා වී ඇති අගයන් මෙසේ වුවද සැබෑ අගයන් මීට වඩා ඉහළ අගයක් ගත හැකි බව අදාළ සංවිධානයේ මතය වී තිබේ.