පකිස්තානයේ ඉස්ලාමාබාද්හි පිහිටි ප්‍රංශ තානාපති කාර්යාලයට ප්‍රහාරයක් එල්ල කිරීමට උත්සහ දැරෑ පුද්ගලයා අන්තවාදී ඉස්ලාම් ත්‍රස්ත කණ්ඩායමකට සම්බන්ධ අයෙකු බව අනාවරණය වී තිබේ.
පොලිස් නිලධාරියෙකු සතු අර්ධ ස්වයංක්‍රීය රයිපලයක් පැහැරගෙන අදාළ ප්‍රහාරය එල්ල කිරීමට තැත් කිරීමේදී පසුගියදා මොහු අත්අඩංගුවට ගනු ලැබිණ.
ප්‍රංශ ජනාධිපතිවරයාගේ ප්‍රකාශයක් තුළින් ඉස්ලාම් දහමට අපහාස වූ බව කියමින් මේ වනවිට පකිස්තානයේ ප්‍රංශ විරෝධයක් හටගෙන තිබේ.
විරෝධතාවලට සම්බන්ධ ඉස්ලාම් අන්තවාදී කණ්ඩායම් සදහන් කරන්නේ පකිස්තානයේ ප්‍රංශ තානාපතිවරයා වහාම යළි සිය රට යැවිය යුතු බවයි.
අත්අඩංගුවට ගත් පුද්ගලයාද එවැනි අන්තවාදී කණ්ඩාමකට සම්බන්ධ බව හෙලිවී තිබේ.
