පොළොන්නරුව දිස්ත්රික්කයේ ඇලහැර ප්රාදේශීය ලේකම් කොට්ඨාශයේ බකමූණ ප්රදේශයේ බටුහේන වැව අද වන විට ජපන් ජබර, බටදැල්ල වැනි නොයෙක් ජලජ ශාඛවලින් වැසී ගොස් විනාශ මුඛයට ගොස් අවසානවී ඇති වැවකි.
බටුහේන, සරුබිම, නිකපිටිය, ගඟේයාය යන ගම්මාන 4 ක කෘෂිකර්මාන්තය තම ජීවනෝපාය කරගත් ගොවි පවුල් 1500 කට පමණ සෙත සැලසෙන මේ වැව අද වන විට දුගඳ හමන මඩ ගොහොරක්වී ඇත.
1980 දී අක්කර 15 ක පමණ වපසරියකින් ඉදිකරන ලද මේ වැව මඟින් කුඹුරු අක්කර 100 ක් පමණ පෝෂණය වූ අතර අද වන විට ජලය ඇත්තේ වර්ග අඩි 100 ක පමණ අල්ප ප්රමාණයකය.
අද වන විට වැව් රක්ෂිතය පවා සොයාගත නොහැකි තරමට වැව ගොඩවී ඇති අතර මිනිස් ක්රියාකාරකම්ද වැවට මෙම ඉරණම අත්වීමට හේතුවී තිබීම අවසනාවන්ත තත්ත්වයකි.
ප්රදේශයේ ගොවි සංවිධානය හරහා මීට වසර කිහිපයකට පෙර මෙම බටුහේන වැව ප්රතිසංස්කරණය කලද අද වන තෙක් කිසිදු රජයකින් මේ පිළිබද සොයා බලා විසඳුම් ලබා නොදුන් බව ගොවීන් චෝදනා කරනවා.
තවද 1980-2000 කාලය වන විටත් ධීවර කටයුතු සඳහා මහවැලිය මඟින් මසුන් ඇතිකල මේ වැව අද වන විට විනාශ වීමට ඉඩ හැර බලධාරීන් මුණිවත රැකින්නේ ඇයිදැයි ප්රදේශයේ ජනතාව ප්රශ්න කරනවා.