මෙරටට ආනයනය කරන බොහෝ ආහාර ද්‍රව්‍යවල පිළිකාකාරක අඩංගුව ඇතත් ඒවා ගෙන්වන ආයතන කුමක්දැයි හෙළි කල නොහැකි බවට ශ්‍රී ලංකා ප්‍රමිති ආයතනයේ අධ්‍යක්ෂ ජනරාල් ආචාර්ය සිද්ධිකා ජී. සේනාරත්න මහත්මිය පවසනවා.
අදාල ආයතන මෙරටට විෂ සහිත ආහාර ආනයනය කලද ඔවුන්ට අවශ්‍ය අවවාද හා උපදෙස් ලබාදී එම ආයතන යහමඟට ගැනීමට කටයුතු කරමින් සිටින බව ඒ මහත්මිය සදහන් කරනවා.
මෙම ක්‍රියාමාර්ගය අතරතුරද එම සමාගම් සුපුරුදු පරිදි අදාල විෂ සහිත ආහාර ද්‍රව්‍ය ආනයනය කර ජනතාවට පරිභෝජනය කිරීමට සිදුවුවද ඉතා කෙටි කාලයකින් ඔවුන් හදාගැනීමට කටයුතු කරන බවද ඇය වැඩිදුරටත් සඳහන් කළා.
එමෙන්ම මෙරටට පිළිකාකාරක අඩංගු විෂ පොල්තෙල් රැගෙන ආ සමාගම් තවමත් මෙරටට පොල්තෙල් ආනයනය කිරීමේ ක්‍රියාවලියේ නිරතව සිටින බවද ඇය පවසා සිටියා.
